onsdag 27. juni 2012

In the jungle

Ei veke sidan vi drog frå Norge! No trur eg vi kan sei at vi har "komt skikkelig inn i det". I går slo vi ut håret og var oppe heilt til kl 21:30, og vi klarte å sove heilt til kl 06 i dag! Fantastisk! :-)

I dag var vi på ekspedisjon. I ein ekte jungel. Vi har leigd kvar vår ATV, som er eit perfekt framkomstmiddel her. Vi var egentlig på veg til ei ny strand som vi ikkje hadde vore på før, så vi køyrte feil og måtte snu. På veg tilbake til rett veg oppdaga vi (les: Zano, Ørjan og Ingeborg) ein ny og ukjent surfespot rett ved sidan av oss. For dei som har levd tett på surfarar, er dei då ustoppelege, så reisa fekk brått eit nytt mål. Sidan vi bevega oss på ukjent terreng, tok vi berre første og "det ser ut som om dette er rett retning"-veg. Det førte oss bokstaveleg talt ut i jungelen,- tett skog, gjørmete veg og vi fekk følelsen av at her kan all slags dyr bu! Vi traff heldigvis berre på ei uskyldig ku....
Uansett: det som til slutt åpenbarte seg på vegs ende, var ei nydeleg strand og -som vi etterkvart fekk vite av ei dame frå Hawaii- ein secret surfespot. Til og med eg som ikkje surfar forstod at dette var gode greier. Kjempekjekt å sitte å sjå på Zano og co, og alle dei andre flinke surfarane! Zano og co var sjølvsagt lykkelege etterpå. Veldig kjekt å gjere slike oppdagingar utan å vere på leit etter dei. Barna koste seg også, og lagde bl.a. krepseakvarium i tomme flasker, dei fant fine skjell og fekk også prøve å surfe litt.

Ellers har vi andre store valg vi står ovanfor for tida; kor lenge skal vi vere i Pavones? Vi har ein heil "resort" for oss sjølve, maten er god (sjølv om vi etterkvart begynner å bli litt lei all-inclusive-dealen) og barna er lykkelege over bassengfasilitetane og dei to minuttane det tar å gå til stranda (www.laponderosapavones.com). På den andre sida er det ikkje så mykje anna her, bortsett frå surf. Vi får sjå...det er så masse vi vil sjå når vi er her, og det er mykje lettare å reise rundt med jentene no enn det var for tre år sidan. Vi skal iallefall ta ein dagstur over til Cabo Matapalo ein av dei første dagane. Og så lurer vi på å dra til Dominical etterkvart og så til Santa Teresa. Det er fint å vere på tur! :-)





To gode vennar!
"Iiiiik! Bølgene kjem!"
To søte apekattar!
Vi arrangerte krepse-kappløp på stranda. Alle hadde kvar
 sin kreps som dei sjølvsagt satsa alt på! :-)
Klar for tur på ATV!
Pavones, here we come! 

På veg til stranda. 
"Sjå! Rumpetroll!" 
Strandleik.
Heile gjengen på tur ein morgon vi venta på
 frukostservering. Dagen startar tidlig i CR...! :-) 
Zano og Leona på kveldstur på stranda. 


Våre omgivelsar for tida.
Jungelen veks heilt ned til strendene. Det er utruleg flott!

2 kommentarer:

  1. Hei på dere.
    Dette er jo som å lese en eventyrbok,,,,, og bare tenk på hva ungene opplever,, ja, gud,, jeg misunner dere på deres eventyrferie.
    Og så bra bilder,, forsett med det.
    Hils Alle :-D
    Hilsen Andre' m/familie

    SvarSlett
  2. Hei Andre!
    Takk for koselig tilbakemelding! :-) Kjekt at du leser om det vi bedriver ferien med!!
    Håper alt er bra med deg og dine!

    SvarSlett