torsdag 28. juni 2018

..... og DER!

.... har roen virkelig begynt å komme på plass!

No har vi vore på tur i tre veker, og roen har senka seg på ein annan måte enn tidlegare. Dagane forsvinner mellom hendene våre sjølv om vi ikkje fyller tida med så masse anna enn å spise (!!), bade i basseng eller i sjø, gå turar om kveldane, bli kjent med nye plassar eller slappe av med lesestoff / nett. No sit eg ved bassengkanten i sarong og flip flops mens vinden ruskar meg i håret og bølgene bryter i det fjerne. Zano har nettopp hatt seg ein god surf (bølgen minna om hans favorittbølge i Pavones i Costa Rica!), og Leona ligg ved sidan av meg. Livet er med andre ord ganske så bra!

No har vi flytta oss til ein plass som heiter Medewi, som er ca 45 min frå Balian. Her bur vi heilt fantastisk - vi har hus PÅ stranda, alt er nyoppussa og friskt og reint og koselig og moderne (Umadewi Surf and suites), og jentene har blitt kjent med nåken australske jenter som også bur her. Det syntes dei var spennandre og kjekt, etter å kun ha vore ilag dei to dei siste tre vekene...! Igjen er vi tilbake på eit rom alle fire, men det er egentlig veldig koselig! :-)

Som sagt kom vi frå Balian i går. Balian endte vi faktisk opp med å bli veldig glad i. Huset var fantastisk, og vi oppdaga ein liten og veldig lite fancy restaurant som laga den beste maten vi har smakt på heile turen. Grilla blekksprut, tunfisk og reker med sitrongress, pork i balinesisk krydder servert i et bambusrør..... for å nevne noko på menyen. Alt var godt, og ein merka at kokken var glad i å lage mat. Ellers var dette ein plass kor folk var ei god stund, slik at vi kom på hels og snakka med fleire etterkvart. For eksempel var det ei stor gruppe med yogaentusiastar som skulle vere der i tre veker! Veit ikkje om eg hadde hatt roen til det, men interessant at mange klarer det - det var kun ein butikk der og 7-8 restaurantar, så ikkje så mange impulsar utanfrå! Sjølv tok eg ein yogatime der, og det var kjempebra - på stranda og med bølgene i bakgrunnen... ellers unna eg meg både pedicure og fotmassasje, og har aldri hatt så fine bein før! :-)

Ellers hadde vi oss ein dagstur i området, kor vi hadde ein sjåfør som køyrte oss til ein foss, til eit tempel, vi fekk sjå masse apekattar og ei grotte med sikkert ein million flaggermus! Den lukta skal eg aldri gløyme....! Vi oppdaga også ei lang og endelaus strand som blei kalt Secret Bay. Svart sand så langt auge kunne sjå. Vi likar oss egentlig veldig godt her i nordvest på Bali. Det er mykje mindre turistar, mindre støy og mykje mindre søppel. Føler dette er det autentiske Bali.

På søndag reiser vi til Dewantara Butique Hotel i nord. Vi gleder oss til å møte Zybelin og co der! :-)
























   



lørdag 23. juni 2018

Balian village

No er vi komt til Balian; ca 3 timar frå Balangan på nordvestsida av Bali. Dette er ein liten surfespot med eitt par overnattingsmuligheter, ett par restaurantar og er eit relativt oversiktelig lite samfunn. Vi bur i eit veldig stort og fint hus denne gangen (Balian Villa); faktisk skikkelig uvandt å ha så stor boltreplass og ha eige kjøkken, stue, to bad og to soverom etter at vi har delt eitt rom alle fire no i over to veker...! Zano er ikkje heilt fornøgd med surfen ("Det er jo bedre surf i Norge jo! Har ikkje reist heilt til Bali for å surfe dette!!"), pluss at eg synes plassen er litt for liten, så vi skal sjekke Medewi i dag. Jentene er sjølvsagt veldig fornøgd med å vere her og kan ikkje forstå kvifor vi skal videre (dei digger huset), så denne turen demonstrerer alle dei ulike behovene og ønskene som kan vere i denne familien....! Det er til ei kvar tid minst to behov som er i konflikt med kvarandre, så enten kjem vi heim med ekstremt god forhandlingskompetanse eller så har vi fått heilt nok av kvarandre!! Hehehehe…

Zybelin (søstra til Zano) med familie kjem hit neste søndag, og då er planen å møte dei i nord, så vi bruker denne veka på å jobbe oss oppover. Eg liker meg best på plassar som både er rolege og samtidig har eit lite sentrum kor ein kan få tak i det ein ønsker og med ein viss standard; eg kjenner eg er SÅ ferdig med ekle bad, kjipe kafear og sjuskete omgivelsar. Eg har definitivt blitt 20 år eldre sidan sist eg var på Bali...!

Dei store begivenhetene siden sist er vel at både Zano og Alva skada seg litt her om dagen. Zano kutta seg litt på et rev på Balangan, og Alva klarte å brenne seg på eksospotta på scooteren vår. Siden det er så varmt og fuktig og heilt andre bakteriar her, har vi fulgt godt med på sårene, og det ser heldigvis ut til å gro godt på begge to.

I natt har det regna masse, og i dag er det overskya. Zano er ute å surfer, jentene sitter litt på telefonen og eg skal straks sette meg med ei bok. Dagane går i eit roleg og behageleg tempo; det vi må huske på ila ein dag er å ta på myggspray og bestemme oss for kvar vi skal ete middag om kveldane. I går gjekk vi ein nydeleg kveldstur på stranda i fantastisk lys (rett før solnedgang), før vi spiste det beste måltidet vi har hatt ila heile turen, trur eg! Det var på ein liten og totalt non-fancy restaurant rett nedanfor huset vårt, men kor dei virkelig hadde peiling på langtidsstekt/bakt kylling....! Himmelsk. Så dit skal vi i dag og! Maten er generelt både billig og god her, så nyter virkelig å ikkje stå på kjøkkenet desse vekene!





















mandag 18. juni 2018

Adapting to change....!

Då har det nesten gått to veker sidan vi drog frå Stavanger! Har ikkje fått oppdatert bloggen på ei stund pga nettverksproblem, men no håper eg det er stabilt og bra! :-)

To veker, ja... og kva er status? Status er at døgnrytmen er på plass, vi sliter ikkje så masse med varmen lenger og trafikken gir meg ikkje lenger konstante panikkanfall. Antall myggstikk har også gått jevnt nedover; no er det vel kun eit relativt nytt på ryggen min, men ellers ingenting. Vi har blitt litt bedre på pruting, men har enda litt å gå på for å bli total iskald i forhandlingsøyeblikket. Vi sliter framleis litt med å gjere om indonesiske rupies til NOK, då vi snakkar om x antall nullar som skal tas bort og så dele på to. Sist veke fant eg maur i senga mi, men denne veka er det reint og fint, så kurva er oppadstigande! :-)

Det som eg framleis synes er krevande, er å sjå kor ekstremt fattige dei fleste er her. Det er små boder på kvart eit hjørne,- dvs boder er ein overdrivelse, for det er berre eit skittent lite rom med nedstøva varer, og på ein god dag tipper eg at dei selger to vannflasker.... Så der går dei på jobb kvar dag. Kva er det som får dei til å stå opp om morgonen? Kva drøymer dei om? Kor svoltne er dei - egentlig? Og så kjem vi og pruter på krona for å få sarongen litt billigare.... Eg kan nesten forstå at dei då ikkje bryr seg sån masse om søppelet som litt i kvar ein vegkant. Dersom dei ikkje får sine primærbehov dekka, har dei ikkje ork til å gjere noko med det andre. Vi snakka med ein italiener i går, og han fortalte om søppel som blir gravd ned i sanden på dei fine strendene. Det er berre trist.

Bortsett frå slike refleksjonar har vi det fint! No bur vi på Milo's Home på Balangan, og her er det koselig. Ikkje på langt nær så fint som på Klumpu, men sjarmerande. Zano har fått surfa, jentene har fått bada masse i basseng og på strand, og i går var vi også på eit badeland som heiter Waterbom park. Det var eit veldig bra badeland; moderne og trygt og variert. Eg fekk verkeleg gått ut av komfortsona mi opptil fleire ganger når jentene og Zano drog med meg på alle dei skumle skliene - eg skreik meg faktisk hås i halsen!! Hehehehe... Zano og jentene blei så fasinert av å sjå på angsten min og høyre på skrikinga mi at dei ikkje fekk med seg sjølve opplevelsen! Hehehehe... billig underholdning!

I dag skal vi finne neste overnattingssted - trur vi reiser nordvestover til Balian på fredag. Kjekt å planlegge neste stopp og kjekt å reise med jentene! Dei vil helst bu i Kuta, for dei elska virkelig Kuta med alle butikkane / bodene, folkene, selgarane osv.... Sjølv må eg manne meg skikkelig opp til neste Kuta-tur, for det var ein energislukande opplevelse! Ellers køyrde vi gjennom Seminyak her om dagen, og det området fristar for shopping. Her var det moderne, butikkane var faktisk fine og tiltrekkande og det var ein heilt annan stil over området. Så her må det handlast før vi reiser heim att til Norge!! :-)














onsdag 13. juni 2018

Hest er best!

No er det ei veke sidan vi reiste frå Stavanger - både lenge og lite sidan på samme tid! Vi har komt greit inn i den nye døgnrytmen, og har slutta å heile tida sammenlikne tida med norsk tid...! Jentene blir trøtte i 22-tida, og søv til 09, så trur dei får nok søvn! :-) Eg er vel den som slit mest, men prøver å ikkje stresse så masse med det. Har god tid!

I går fekk Leona oppfylt sitt store ønske om å ri på Bali! Det har ho snakka om sidan vi bestilte turen, så forventningane var store då vi drog over til Canguu for horse back riding! Både ho og Alva fekk prøve seg, mens eg og Zano køyrde på scooter bak dei. Det var stas, og Leona var svært fornøgd med at ho fekk lov til å både trave og ri i galopp med desse enorme arabarane langs rismarkene...! Det var heldigvis snille hestar, og dei såg ut til å ha det godt.

Etterpå drog vi til stranda i Canguu og fekk med oss solnedgangen der før BBQ på ein strandkafe der. Veldig koseleg plass, så her vil vi kanskje dra tilbake og bu ein annan gang. Vi har også vore på Keramas; ein annan bra surfeplass, men her var det ein helt annan stemning. KUn eit hotell som såg ut til å rule heile stranda (hotellet heitte Komune, og det var rett og slett ein eigen kommune...). Zano har ikkje fått surfe meir enn ein gang ila denne veka, og det merkes....! Vi flytter over til Jimbaran i morgon og skal bu der i ei veke, og då kjem han til å ha surf rett utanfor dørstokken, så han får ikkje noko medlidenhet frå meg! :-)

Vi har kryssa øya no fleire ganger, og eg får alltid den samme litt ubehagelige følelsen i magen. Kor mykje meir klarer Bali egentlig? Over oss høyrer eg fly lande og lette nesten heile tida. Scootertettleiken og antall biler på vegane er heilt ubeskrivelig. Eg trur vi har fått 300 sugerør innpakka i papir når vi har bestilt drikker ila ei veke.... det virker som at kvar lille cm på Bali er utnytta. Klarer øya dette?? No har vi vore i den delen av Bali kor trykket er størst, så etter Jimbaran skal vi reise nord-vest til Balian og Medewi kor det er mykje roligare. Der får vi forhåpentligvis følelsen av at øya får puste litt og....